Ek gulab tha
Bada udas tha
Rang bhi us ka tha kuch ura ura sa
Shabnam ke ansoo rawan the us ke
Dil tha us ka kuch bujha bujha sa
Bahaar ka tha mausam phir bhi na khila tha
Dali se tha wo apni kuch jhuka jhuka sa
Main ne jo dekha use
Pass ja k pocha uss se
Kyu hai udas tu?
Kyu karta hai dil barbad tu?
Kis ko kerta hai yaad tu?
Ye sun ker wo rone laga
Shabnam ke ansoon se mooh dhone laga
Aur rote rote bas ye kehne laga
Mera yaar mujh ko chor gaya hai
Mera pyar mujh se mooh mor gaya hai
Ab main kis ke liye khil jaoon
Ab main kis ke liye khushbu mahkaoon
Mujhe kon apne dil se lagayega
Mujh ko kon apni sanso me basayega
Mera chaman ujar gaya hai
Mera yaar mujh se bichar gaya hai
Bas ab to har lamhe us ki yaad hai
Bas baqarari hai, tarap hai faryaad hai
Mujh ko koi mere yaar se mila de
Mujh ko koi mera pyar lota de
Wo ayega to khil jaoon ga main
Apni zindagi se mil jaoon ga main